Sorties cinéma à La Réunion ce mercredi 17 février 2021

Oté koman i lé ? Set semène nou retrouve 3 sorties dan band cinémas de l'ile.

Place des victoires

Dan lo rézo MauRéfilms (Cambaie, Lacaze, Plaza) néna Place des victoires, un ti film ensamb un boug lé perdu dan son vie i sa renconte un ti marmaille i vive dan somin. Ma pokor vu le film mais mi suppose zot sa entraide a zot et armonte la pente. Un film la France koué.

Adults in the room

Déza ek lo titre ou comprend cé pa un film français. Ma vu un ti vidéo su Facebook ousa na un papa i trouve toutes le band zénigmes son fonm i montre a lu. Mi lé sur lu noré déduit parey mwin que le film lé américain ek lo titre la. Nou lé danzéré parey not 2 i. Totoche ton m.... cé un film français minm en fin d'compte. Tssssss... (franco-grec pou èt précis). 
Retrouve lo film dan rézo ICC (Ritz, Rex, Cinépalmes)

Île était une fois

Un documentaire su un boug i vive la Rényon mi lu sorte Mada. 
Si ou vé amiz a ou, veille la bande annonce et devine si le band zimage i sorte la Rényon ou Mada. Kan le boug i coz lé fasil soman.

 

Sinon sa mi souèt a zot une bonne semène, la santé et enprofite bien de la vie. Oubli pa zot maks.

🇷🇪 🌴 🌊 ☀️